Узган атнаның шимбәсендә районыбызның авыл хуҗалыгы хезмәтчәннәре Казан шәһәренең Яңа Савин районында ярминкәдә катнашты.
Сәүдә рәтләре белән танышып йөргән Татарстан Премьер-министры урынбасары - авыл хуҗалыгы һәм азык-төлек министры Марат Әхмәтов кайбычлыларның ярминкәгә югары әзерлек белән килүенә рәхмәтен белдерде. Район авыл хуҗалыгы һәм азык-төлек идарәсеннән алынган мәгълүматларга караганда, ярминкәгә районнан барлыгы 15 машинада товар - ит, сөт, бәрәңге, кишер, суган, төрле ярмалар, иген төяп бардылар. Барлыгы 1 миллион 600 мең сумлык товар сатылуы сәүдәнең гөрләп баруы турында сөйли.
Нет комментариев