Кайбыч таңнары
  • Рус Тат
  • Демографик хәл үзгәрерме?

    Без, район газетасы журналистлары, Кайбычта демографиянең түбән булуы хакында даими язабыз. Үз төбәгебез өчен җаныбыз әрни.

    Иң беренче чиратта, Кайбычта онкологик авырулардан вафат булу күр­сәт­кеченең югары булуы борчу тудыра. Бу исә турыдан-туры халыкка медицина хезмәте күрсәтүнең сыйфаты һәм югары технологияләрне куллануга бәйле. Дөрес, соңгы елларда сәламәтлек саклау учреждениеләренә игътибар арта, заманча яңа медицина җиһазлары бе­лән дә тәэмин ите­леш күзгә күренеп үзгәрә. Район үзәк сырхауханәсенең баш табибы Газимагомед Магомедов сүзләренә караганда, яңа кабул итү-диагностика бү­легенә 2,5 миллион сумга югары класслы портатив ультратавыш сканеры, ясалма вентиляция аппараты (сулыш алган вакытта кислород күләмен күр­сәтүче мониторинглы), лапароскипик диагностика комплексы, баш миен һәм кан тамырларын тикшерү өчен компьютерлы күчмә эхоинцефалограф, канга экспресс-анализатор, күчмә рентген аппараты һәм җитди авыруларны йөртү өчен каталка (нигезе - рентген үтә кү­рен­мәле) кайтартылды. Боларның барысы да фе­дераль бюджеттан фи­нанслана. ТР Сәламәтлек саклау министрлыгы аша хирургия бүлегенә операция өстәле, йөрәк-кан тамырлары авыруларын ачыклау өчен электрокардиограф бирелгән, поликлиника, стационар бүлеккә ике миллион сумлык җиһаз алыначак. Болардан тыш, хирургия, терапия, стоматология бү­лекләрен ремонтлау өчен 20 миллион сум акча тотылачак. Авыл медицинасы да читтә калмый. Мәл­кидәге фельдшер-акушерлык пункты заманча итеп төзелүче авыл клубында урнашачак, Мөрә­ле клубы ремонтыннан соң анда медпункт та кү­че­релә, Иске Тәрбиттә модульле фельдшер-акушерлык пункты төзү мәй­даны әзер, сигез ФАПта агымдагы ремонт бара. Авыл җирлегенә эшкә кайтырга теләк белдергән яшь белгечләр өчен ике торак йортка нигез салынуы да сөенечле хәл. Әле­ге чаралар демографик проблемаларны хәл итәргә, үлем-җитем күр­сәт­кечен киметү, онкология авыруларын профилактикалауга этәргеч бирер, дип саный баш табиб. Әмма шул ук вакытта ул проблеманың ике яклы булуын да яшерми. Бу авыруы соң чиккә җиткәч кенә табибларга мөрәҗә­гать итәргә күнек­кән авыл халкының психологиясенә дә бәйле.

    Ташлама нигезендә бушлай дару алу хокукыннан файдаланмыйча, аны акчага алыштыручылар да бар. Авыл кешесе, социаль хезмәтләр җыелмасыннан баш тартып, шуңа бирелүче акчаны ки­рәк-ярагына сарыф итмәсен, сәламәтлеген ныгытсын өчен яшәү дәрәҗәсен күтәрергә кирәк. ЗАГС бүлеге начальнигы Рафия Гайнуллина фикеренчә, демографиянең узган еллардагыдан тү­бән­рәк булуының тагын бер сәбәбе бар. Яшел Үзәндә яки Казандагы дәвалау учреждениеләрендә дөньяга килгән балалар автоматик рәвештә шул шәһәр­ләрнең демографик күрсәткечен яхшырта. Узган ел, мәсәлән, Кайбыч бала тудыру йортында 106 сабый туган, ә чынбарлыкта ул 170 тән артып китә. Агым­да­гы елның беренче яртыеллыгына килсәк, 49 бала туган, 144 кеше үлгән, 19 яңа гаилә барлыкка килгән, 9 пар аерылышкан. Былтыргы статистика тагын да начаррак: 20 гаилә төзелгән, шул ук вакытта 17 гаилә таркалган. Шулай булгач, балалар каян тусын соң?

    Нравится
    Поделиться:
    Реклама
    Комментарии (0)
    • 25 апрель 2018 - 10:42
      Олы Тәрбит кызы IV Керәшен яшьләре форумында катнашты 12-15 апрель көннәрендә Казанның Петровский бистәсендә илебезнең кайбер төбәкләреннән һәм Татарстаннан йөздән артык делегат катнашында IV Керәшен яшьләре форумы узды. 
      106
      0
      0
    • 23 апрель 2018 - 15:52
      Бюджет өлкәсендә эшләүчеләрнең хезмәт хакы арта 1 майдан минималь хезмәт хакы 11 мең 163 сумны тәшкил итәчәк.
      31
      0
      0
    • 23 апрель 2018 - 11:49
      «Йолдызлык» фестивалендә Кайбыч кызының иңенә тун салдылар Татарстан Президенты Рөстәм Миңнеханов «Йолдызлык» фестивалендә катнашучы барлык балаларны Татарстанның көчле командасы дип атады.
      333
      0
      0
    • 22 апрель 2018 - 09:22
      Кайбыч районында эчкән килеш руль артына утырган ике автомобиль, бер трактор йөртүче тоткарланган Районыбыз юлларында иминлекне саклау, юл хәрәкәте кагыйдәләрен үтәүне тәэмин итү, спиртлы эчемлекләр кулланган килеш руль артына утырган шоферларны ачыклау максатында ЮХИДИ хезмәткәрләре даими рәвештә рейдларга чыга.
      228
      0
      0
    • 21 апрель 2018 - 12:30
      Кайбыч районында әниләр имтихан тапшырды Укучы балалары булган әти-әниләргә мәктәп елларын онытырга бирмиләр хәзер.
      87
      0
      0
    • 21 апрель 2018 - 12:28
      51
      0
      0
    • 19 апрель 2018 - 20:38
      Казанда FIFA төп билет сату үзәге ачылды Бу үзәктә апрель ахырына кадәр FIFA сайтында сатылган билетларны алырга була.
      77
      0
      0
    • 19 апрель 2018 - 16:15
      Борындыктан Гарифулла бабай белән Латыйфа әбинең онык-оныкчыклары авыл халкына концерт куйды Туганлыкның кадерен белеп яши Борындыктан Гарифулла бабай белән Латыйфа әбинең онык-оныкчыклары. Инде үзләре әллә кайчан җир куенында булсалар да, зур нәселләренең бердәмлегенә, туганлык хисләрен кадерләп саклауларына, нәсел җепләренең дәвамлы булуына рухлары шаттыр аларның. Исән булсалар быел Гарифулла бабайга 130 Латыйфа әбигә 126 яшь тулыр иде. Алар яратып 130 оныгын һәм оныкчыгын сөяр иде... Бүген әллә ничә буын түгел, ата-бабадан калган малны бүлеп, юк кына сылтаулар табып, бертуганнары, хәтта әти-әнисе белән дә сүзгә килеп, бер-берсеннән читләшеп яшәүчеләр булган бу заманда әлеге нәселнең дуслыгы башкаларга үрнәк итеп куярлык.Туган хакын хаклап яшәүче тырыш, сүзгә үткен, баскан җирдән ут чыгара торган нәсел бу. Район башлыгы урынбасары Рәмис Хәялиев та, концерттан соң чыгышында, аларга соклануын белдерде, нәсел җеп­ләренең дәвамлы булуын теләде.
      286
      0
      0
    • 19 апрель 2018 - 11:15
      Кайбычлылар, авыр йөк машиналары хәрәкәте вакытлыча чикләнә Татарстанда, шул исәптән райондагы автомобиль юлларында, агымдагы елның 15 апреленнән 14 маена кадәр авыр йөк машиналары хәрәкәте вакытлыча чикләнә. Мондый төр чикләүләр юллар һәм юл корылмаларының сакланышын тәэмин итү өчен кертелә. Чөнки яз аенда эрегән кардан соң җир йомшара һәм авыр йөк машиналары тудырган басым юлларның җимерелүенә китерә.
      131
      0
      0
    • 19 апрель 2018 - 11:04
      Олы Кайбычтан Гөлзада Миңгалиева - хат ташучылар арасында игълан ителгән республика бәйгесе җиңүчесе «ТАТМЕДИА» җәмгыятеннән бу юлы да шатлыклы хәбәр алдык: агымдагы елның беренче яртыеллыгына газета-журналларга яздыру буенча хат ташучылар арасында игълан ителгән республика бәйгесе җиңүчесе бездән! Ул – Олы Кайбычтан Гөлзада Миңгалиева. Узган елның икенче яртысына язылу буенча Федоровскоедан Гөлсөяр Урманова җиңгән иде.
      131
      0
      0
    • 18 апрель 2018 - 11:46
      Футбол буенча дөнья чемпионаты матчларына билет сатуның йомгаклау этабы башлана Чемпионатны оештыручылар җанатарларга билет сатып алуны сузмаска киңәш итә.
      59
      0
      0
    • 14 апрель 2018 - 07:51
      Олы Кайбыч мәктәбендә «Экологик буккросинг» акциясе старт алды "Буккроссинг" термины берничә ел элек кенә барлыкка килгән. Нәрсә соң ул? Буккросинг – гадәти булмаган, үзенчәлекле китапханә. Анда хезмәткәрләр юк, аларның вазифасын китап укучылар башкара. Буккроссинг «укыдыңмы, башкаларга да бир» дигән бик гади принциптан тора. Ягъни, укучы, үзе укыган китап­ларны, башка кеше дә танышсын өчен, төрле җирләрдә, мәсәлән, урам, метро яки кафеда калдыра. Күп кенә илләрдә моның белән мавыгучылар буккросинг­ның рәсми сайтын да булдыра.
      89
      0
      0
    • 14 апрель 2018 - 07:50
      Кайбычлылар, урамда йөрүче этләрдән куркасызмы? Болында, тыкрык, урамнарда өере белән этләр йөргәнен күбебезнең күргәне бар, әлбәттә. Андый чакларда күңелне курку хисе биләп ала, чөнки этләрнең кешеләргә ташлану очраклары турында ишетелеп тора. Аларны дүрт аяклы дусларыбыз дип атап йөртсәк тә, кайчак дошманыбызга да әйләнергә мөмкиннәр. Йортыбызны саклаучы тугры дусларыбыз белән теләсә кайда йөрүче сукбай этләр арасындагы аерма нидә соң? Өерләре белән йөрүчеләренең бик агрессив булулары билгеле, алар кешеләр, аеруча балалар өчен куркыныч тудыра. Тирә-юнебез, без яшәгән җирлек бу яктан тынычмы, хуҗасыз этләр булган очракта нинди чаралар күрелә? Бу мәкаләдә шул сорауларга җавап эзләргә булдык.
      115
      0
      0
    • 6 апрель 2015 - 08:24
      Кайбыч почтасы – республика күләмендә җиңү яулады
    • 15 ноябрь 2013 - 08:54
      Кайбыч энергетиклары аккошлар биюе биеделәр
    Ночной режим