Кайбыч таңнары
  • Рус Тат
  • Хәерле сәгатьтә, игенче!

    Кайбычта язгы кыр эшләре башланып китте. 16 апрельдә "Алтын кырлар" җәмгыятенең Багай филиалында күпьеллык үлән кырларын тырмалауга, минераль ашламалар кертүгә керештеләр.

    Җәмгыять директоры Рамил Каюмов белән авыл хуҗалыгы һәм азык-төлек идарәсе начальнигы Риф­­кать Басыйров механизаторлар янында булып, эш барышы белән танышты.

    Җәмгыятьтә быел азык культураларын 4957 гектар мәйданда игү планлаштырыла. Шуның 2658 гектары күпьеллык үлән басулары.

    Бүген "МТЗ-1221" тракторына тагылган тырмалау агрегаты белән Михаил Андреев 36 гектарны би­ләгән күпьеллык үлән басуын тырмалый. "МТЗ-82", "МТЗ-80" тракторла­ры­на тагылган "Амазон" агрегаты белән Сергей Денисов һәм Владимир Лисенков һәр гектарга 50 килограмм исәбеннән минераль ашлама кертә. Идарә начальнигы Рифкать Нуруллович механизаторларга эшне, гектарлар артыннан кумыйча, агротехник таләпләр нигезендә алып барырга кирәклеге турындагы фикерләрен җиткерде.

    Рамил Шамилевич әй­тү­ен­чә, көннең икенче яртысында тагын ике агрегат Арыслан, Салтыйган бүлекчәләре басуларына чыгачак. Язгы кыр эшләренә әзерлекне биредә күптәннән алып баралар. Җитәрлек күләм­дә ягулык-майлау материаллары, солярка запасы булдырылган, бензинга акча күчерелгән, бүген-иртәгә аны да кайтара башлыйлар. «Заволжье» җәмгыятендә дә кичә кыр эшләре башланып китте. Бу хакта газетабызның алдагы санында язачакбыз. Хәерле сә­гатьтә, игенче!

    Теги: игенче
    Нравится
    Поделиться:
    Реклама
    Комментарии (0)
    • 6 апрель 2015 - 08:24
      Кайбыч почтасы – республика күләмендә җиңү яулады
    • 15 ноябрь 2013 - 08:54
      Кайбыч энергетиклары аккошлар биюе биеделәр
    • 26 апрель 2018 - 15:55
      Кайбыч укучылары стройда йөрү осталыгын күрсәтте
      Узган атнада “Салават күпере” спорт-сәламәтләндерү комплексында мәктәпләр командалары укучыл командалары арасында стройда йөрү, җыр башкару буенча смотр- бәйге үткәрелде. Әлеге чара Бөек Җиңүнең 73 еллыгына багышланды.
      77
      0
      0
    Ночной режим