Кайбыч таңнары
  • Рус Тат
  • Кайчандыр зур көтүе белән дан тоткан Багайда нибары 18 сыер калган

    Муниципаль берәмлекләрнең социаль-икътисади үсеше нәтиҗә­ләре буенча Багай авыл җирлеге Татарстан муниципаль берәмлекләренең сигезенче съездында диплом һәм "Шевроле-Нива" автомобиле белән бүләкләнгән иде.

    Бу - дүрт авылны берләштергән авыл җирлегендә эшләренең уңай баруы турында сөйли. Авыл җир­леге башлыгы Рушания Кузнецова салымнарның вакытында тү­ләнүе, күп балалы алты гаиләнең бишесенә гаризалары ни­гезендә җир участоклары бирелүе, су бе­лән тәэмин итү, урамнарны яктыртуга ае­рым тукталды. Максатлары - шәх­си ярдәмче хуҗалыкларда малларның баш санын арттыру. Кайчандыр зур көтүе бе­лән дан тоткан Багайда нибары 18 сыер калган, кө­тү йөртергә урын юк дип зарлану - сылтау гы­на. Шәхси хуҗалыкларын үстерү максатында 2013 елда 16 гаилә ташламалы кредит алган. Яшьләрнең шә­һәргә тартылуы да борчый авыл халкын. Узган ел җирлек­тә бер генә яшь гаилә дә корылмаган. Аның каравы, сигез бала якты дөньяга аваз салган. "Авылда яшәүче яшь гаиләләрнең һәм яшь белгечләрнең торак шартларын яхшырту" программасы буенча соңгы елларда 12 гаилә торак шартларын яхшырт­кан.

    2013 елда республика программасы нигезендә Арыслан, Салтыйган, Багай авылларындагы фельд­шер-акушерлык пунктларына ремонт ясалган. Авылларда урамнарны, зиратларны җыештыру буенча эш алып барылган, язын һәр авылда Бөек Ватан сугышында һәлак булган авылдашлар истәлегенә куелган һәйкәлләр ремонтланган.

    Җыелышта Турминскийдагы чир­кәүдән Николай атакай белән Надежда анакай да катнашты. Район прокуроры Руслан Заһретдинов республикада күзәтелгән террорчылык, экстремизм күренешләре турында сөйләде, халыкны уяу булырга чакырды.

    Район башлыгы Альберт Рәхмәтуллин районда барган матур үзгә­реш­ләр, төзелешләр турында сөй­ләде. Багай авыл җирлегендә башкарылган эш­ләргә үз бәясен җиткерде, кимчелекләргә тукталды, халыкны борчыган сорауларга җавап бирде.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: