Кайбыч игенчеләре алдынгылар сафында

Алдан хәбәр ителгәнчә, Министрлыкның бәйге комиссиясе иң күп бөртек суктыручылар, игеннәрне иң күп теземнәргә салучылар арасынннан республика һәм район дәрәҗәсендәге 490 җиңүчене билгеләячәк иде. 2018 елгы урак барышында иң югары күрсәткечләргә ирешкән 240 комбайнчы 50 мең, игеннәрне иң күп теземнәргә салучы 50 комбайнчы 40 мең, шулай ук, районнардагы бәйге нәтиҗәләре буенча 200 иң яхшы комбайнчы 30 мең сум күләмендә премия белән бүләкләнәчәк. 
Агымдагы елның 30 октябрендә Татарстан Республикасы Авыл хуҗалыгы һәм азык- төлек министры Марат Әхмәтов конкурс буенча исемлекне раслады. Әлеге исемлеккә безнең районнан “Дубрава” җәмгыяте комбайнчылары: өченче филиалдан Илдар Шәрәфиев, Альберт Лазарев, Харис Хәбибуллин, икенче филиалдан Вячеслав Туртыгин, Валерий Савельев һәм беренче филиалдан Айрат Сафиуллин да кергән. Аларны хезмәт җиңүләре белән котлыйбыз!