Кайбычка ТР авыл хуҗалыгы һәм азык-төлек министры урынбасары килде

– Өстән яхшырак күренә, кырларыгыз җәйрәп ята, эшкәртелмичә калган басулар күренми. Язгы культураларны чәчү уңышлы төгәлләнгән, уҗымнар да матур гына кү­тәрелеп килә. Хәзерге вакытта чүп үләннәренә, корткычларга каршы көрәш алып барыла. Игеннәргә минераль ашламалар кертеп, көзен мул уңыш җыеп алырга насыйп булсын, – диде Наил Ринатович игенчеләр хезмәтенә уңай бәя биреп.