Кайбычлылар Ватан Геройлары көнен билгеләп үтте
Бүген Олы Кайбыч авылындагы Җиңү паркында Ватан Геройлары көне уңаеннан тантаналы митинг үтте.
Әлеге истәлекле дата 2007 елдан бирле билгеләп үтелә. Тантанада район башлыгы Альберт Рәхмәтуллин, урынбасары Рәмис Хәялиев, башкарма комитет җитәкчесе Алексей Макаров, оешма, учреждениеләр хезмәткәрләре, Олы Кайбыч урта мәктәбенең яшь армиячеләр отряды катнашты.
Митинг барышында Советлар Союзы Геройлары, Дан орденының тулы кавалерларының элмә такталары янына веноклар куелды. Митингта катнашучыларны Альберт Рәхмәтуллин сәламләде һәм Ватан Геройлары көне белән котлады. Яшь армиячеләр геройларның кыскача биографияләре белән таныштырды, патриотик җырлар башкардыл.
Биредә районыбыз авылларыннан Бөек Ватан сугышында катнашкан кешеләрнең тулы исемлеге урнаштырылган һәйкәл комплексы ачылды.
Следите за самым важным и интересным в Telegram-каналеТатмедиа
Нет комментариев