Кайбыч таңнары
  • Рус Тат
  • “Алтын алка” призы Мәлкидә

    Олы Кайбыч урта гомумбелем бирү мәктәбенең хоккей мәйданчыгында 9 класс һәм аннан яшьрәк укучылар командалары арасында "Алтын алка" призына район беренчелегенә ярыш үтте.

    Уенны Олы Кайбыч-Мәлки мәктәпләре җыелма командалары башлады. Беренче минутлардан ук уенда киеренкелек сизелде. Командаларның әле берсе, әле икенчесе көндәшләре капкаларына алкалар яудырды. Очрашу төгәлләнергә санаулы минутлар калып барганда, исәп 3:3 иде. Мәлкиле­ләр­дән Антон Галкин, кайбычлылар капкасына дүртенче алканы кертеп, җиңүне көн­дәшләрен­нән тартып ал­ды. Бу уенда Олы Кайбычтан Ирек Зыядиев, Наил Сәгъ­диев, Илгиз Ярхәмов берәр алка кертте. Мәлки командасыннан Антон Галкин - өч, Дамир Хәбибуллин бер ал­ка кертә алды. Мәлкилеләр капкасын Евгений Рябчиков, кайбычлыларныкын Рәзил Бәдретдинов саклады.

    - 16 гыйнварда безнең зонадан Мәлки, Иске Тәр­бит, Хуҗа Хәсән мәктәп­ләре командалары Хуҗа Хәсән мәктәбе хоккей мәй­данында үзара көч сынашты һәм финалга чыгучыны билгеләдек. Анда безнең команда ике көндәшеннән дә өстен чыкты. Монда да бирешергә теләмиләр, - диде Мәлкидән тренер Александар Галкин.

    Кайбыч-Федоровское командалары очрашуы, беренчеләре файдасына 3:1 исәбе белән төгәл­лән­де. Кайбычлылардан Нәф­кать Гарифуллин исәпне ачты, Федоровскоедан Михаил Волков аны тигезләде (1:1). Кайбыч командасыннан Ирек Зыядиев, Эдуард Воробьев берәр алка кертте. Федоровское командасы кап­касында торучы Айдар Минаҗев бик тырышса да, өч алка керттерде.

    Финалда Мәлки - Федоровское командалары уйнады. Уен барышында боз­дан алмашка да чыгып тормаган Антон Галкин исәпне ачты. Әмма Федоровскоедан Данил Моисеев исәп­не тигезләде. Антон икенче алканы кертеп, үз командасын алга чыгарды. Уенның соңгы минутында Данил янә исәпне тигезләде. Шулай итеп, очколар буенча өстенлек мәлкилеләргә бирелде. Командалар арасында Мәлки укучылары - беренче, кайбычлылар - икенче, Федоровское командасы өченче урынны яу­ла­ды. Аларга балалар һәм яшүсмерләр спорт мәктәбе директоры Рафис Ильясов Мактау кәгазьләре, истәлекле медальләр тапшырды.

    Уенда биш алка керткән Мәлки егете Антон Галкин турнирның иң яхшы һө­җүмчесе дип танылды. Олы Кайбычтан Наил Сәгъдиев иң яхшы сакчы, Федоровскоедан Айдар Минаҗев иң яхшы капкачы дип табылды. Алар да бүләккә лаек булды.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: