Кайбыч таңнары
  • Рус Тат
  • Федоровское, Колаңгы мәктәпләрендә спорт мәйданчыклары төзелә

    Район башкарма комитеты җитәкчесенең төзелеш һәм торак-коммуналь хуҗалыгы буенча урынбасары Фирдүс Әхмәтов әйтүенчә, Федоровскоеда спорт мәйданчыгы урынында җирне казып, ком, вак таш түшәгәннәр.

    Аның өстенә асфальт, резинадан эшләнгән махсус материал түшәләчәк. Анда волейбол, баскетбол мәйданчыклары урын алачак, янәшәсендә ясалма чирәм түшәлгән мини- футбол кыры да ясау күздә тотыла. Биредә тренажерлар өчен махсус урын да каралган. Федоровское мәктәбендәге спорт мәйданчыгы төзелешенә өч миллион сумнан артык акча сарыф ителәчәк.

    Колаңгы мәктәбендә әлегә котлован казыйлар. Бу объектны төзүгә бер миллион сумнан артык акча каралган. Әлеге мәктәпләрдә эш тәмамлангач, төзүчеләр Зур Подберезье, Мәлки мәктәпләрендә дә шундый ук спорт мәйданчыклары булдырачак. Алар җирләр туңдырганчы ике мәктәптә эшне төгәлләргә җыена.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: