Россиядә хәрби хезмәткә көзге чакырылыш 2025 елның 1 октябрендә башланды. Бу чакырылыш кампаниясе халкыбызның Бөек Ватан сугышында Җиңүенең 80 еллыгы, Ватанны саклаучылар елында уза.
Бүген Олы Кайбычтагы балалар сәнгать мәктәбе каршындагы мәйданда егетләрне Россия Кораллы Көчләре сафларына озату буенча тантана үтте. Бу чакырылышта, иң беренче булып, Иске Чәчкабтан Нияз Кәлимуллин, Хуҗа Хәсәннән Денис Долгов, Тимур Казаков, Иске Тәрбитттән Вадим Николаев, Петр Николаев, Олы Тәрбиттән Александр Воробьев, Чүтидән Рәис Низаметдинов китте. Мәлкидән Арыслан Хәсәнов аларга Казанда килеп кушылачак.
Егетләрне озатырга район башкарма комитеты җитәкчесе Алексей Макаров, Кайбычта хәрби исәпкә алу буенча белгеч Сәвия Зиннурова килгән иде.
Алексей Николаевич егетләргә хәерле юл, әти- әниләренә сабырлык теләп, район башлыгы Альберт Рәхмәтуллин исеменнән әниләренә бүләкләр тапшырды.
Нет комментариев