Кайбыч укытучылары Халыкара фестивальдә катнашты

Татарстан Президенты Рөстәм Миңнеханов теләктәшлеге белән укытучыларның август киңәшмәләре алдыннан дүртенче ел рәттән Алабугада үткәрелгән фестивальдә яңа уку елына бурычлар билгеләнде. Анда Татарстан Премьер-министры урынбасары - мә­гариф һәм фән министры вазифаларын башкаручы Энгель Фәттахов, республика, Россия субъектларыннан килгән укытучылар, "Ел укытучысы" бәйгесендә җиңүчеләр, мәктәпләр белән тыгыз элемтәдә торучы галимнәр, Германия, Сингапур, Испания, Кытай, Төр­кия, Украинадан әйдәүче белгечләр катнашты. Алар арасында Олы Кайбыч урта гомумбелем бирү мәктәбе укытучылары Ләлә Гарәфетдинова, Людмила Федотова, Фәния Зиннурова да бар иде.