Кайбыч таңнары
  • Рус Тат
  • «Туым җондызы» фестивале Кайбыч керәшеннәренә җиңү китерде

    "Кайда тудың соң син, керәшен моңы? Йөрәкнең иң нечкә кылларын тибрәтерлек җырлар кайчан барлыкка килде икән? Безнең керәшеннәр кебек җыр-биюгә оста тагын кем бар икән?" "Туым җондызы" фестиваленең 5 февральдә узган гала-концертын алып баручылар әнә шул сүзләр белән башлап җибәрде.

    Казанда ел саен зурдан кубып үткәрелүче "Туым җондызы" ("Раштуа йолдызы") фестиваленең иң элек сайлап алу туры бул­ды. Татарстанның Халыклар дуслыгы йортында иртәнге сәгать унда башланып киткән бу турда республика шәһәр-районнарында җиңү яу­лаган катнашучылар чыгыш ясады. Анда Кайбыч керәшеннәре дә үз та­лант­ларын күрсәтте. Безнең районнан сигез җырчыны тыңладылар һәм аларның дүртесе гала-концертка узды. Габдулла Тукай исемендәге Татар дәүләт филармония концертлар залында кичке сәгать алтыда узган йомгаклау концертында да уңышлы чыгыш ясадылар алар. Хуҗа Хә­сән кызы Юлия Макарова этник костюм буенча беренче урынны яулады, җыры белән тамашачыларны таң калдырды. Ул диплом, музыкаль үзәк һәм көн­күреш товары алу өчен дисконт карта белән бү­ләкләнде.

    Мәлкидәге "Бал­дырган" балалар ансамблен клуб методисты Александр Бичарин әле быел гына оештырды. Аларның чыгышын Казанда алкышларга күм­деләр, шулай ук музыкаль үзәккә лаек булдылар. Олы Тәр­биттән Диана Леонтьева да дипломант булды һәм дисконт карта белән бү­ләкләнде.

    Олы Кайбычтагы "Ми­ләш­кәй" балалар бакчасына йөрүче Никита Русовка, "Балдырган"ның нәни солисты Вадим Бичаринга да үзләре кадәр зурлыктагы машина бү­ләк иттеләр.

    Яшь талантларның чыгышын карарга барган район башлыгы Альберт Рәх­­мәтуллин укучыларны фестивальгә әзерләүче­ләргә тирән рәхмәтен белдерде. Кайбыч керәшеннәре җәм­гыяте рәисе Светлана Мат­веевага "Туым җондызы"ның Кайбычтагы зона турын үт­кәрүгә, керәшен сәнгатен үс­терүгә керткән зур өле­ше өчен фестивальне оештыру комитетының Рәхмәт хаты тапшырылды.

    Нравится
    Поделиться:
    Реклама
    Комментарии (0)
    Осталось символов: