Кайбыч таңнары
  • Рус Тат
  • Кайбыч хоккейчылары финалда

    Авыл хуҗалыгы районнарының ир-егетләр командалары арасында хоккей буенча ТР чемпионатының беренче лигасы, "Б" девизионында чыгыш ясаучылар 19 февральдә Олы Кайбычта очрашты. Анда Олы Кайбыч һәм Буа районнарының "Арктика" ир-егетләр командалары үзара көч сынашты.

    Хоккейчылар уенын Казан шәһәреннән килгән Бөтенсоюз категорияле хөкемдар Рөстәм Әбделхаков һәм беренче категорияле хөкемдар Дамир Нигъмәтҗанов гадел хө­кем итте. Беренче периодта уен башланып берничә минут үтүгә, уйнаучы-тренер Илдус Вәлиуллин көндәш­лә­ре капаксына бер-бер арт­лы ике ал­ка кертергә өл­герде. Шул мизгелдән буалылар уя­нып киткәндәй булды, кайбычлылар капкасына һөҗүм итә башлады. Шулай итеп, Буа командасыннан Дмитрий Пантелеев исәпне үз­гәрт­те (2:1). Бу периодта ике команда да ничек кенә тырышсаларда, алка кертә алмады. Кайбычлылар капкачысы Раил Нигъ­мәтов көндәшләренең көч­ле һөҗүмнәрен бер-бер артлы кайтарып торды.

    Икенче период башында Буа командасыннан Сергей Ятокин исәпне тигезләде. Бу кайбычлыларны кимсетте булса кирәк, Фәнил Миңнуллин, Илдус Вәлиуллин берәр алка кертеп, исәпне 4:2 гә җиткерде. Озак та үтмәде, Илгиз Вәлиуллин бишенче алканы кертүгә иреште (5:2).

    Өченче периодта уен кыз­ганнан-кыза барды. Буалылар капкачысы Роман Телегин Илдус Вәлиуллин һөҗүменә каршы тора алмыйча алтынчы алканы керттергәч, көн­дәшләр капкачыны Владимир Еремеевка алыштырды. Буалылар командасын кайбычлылар һө­җү­меннән ул да коткарып кала алмады, әтиле-уллы Илдус һәм Илгиз Вәлиуллиннар җиденче, сигезенче алкаларны керттеләр. Шуннан соң, буалылардан Марат Таҗетдинов, Иван Масленцев берәр алка кертеп, исәпне 8: 4 кә җиткерде. Үз җи­реңдә стеналар да ярдәм итә, диләр бит, команданың җанатарлары уен дә­вамында көч биреп торуы да җиңүне якынайткандыр бәлки. Нәтиҗәдә якташларыбыз иң мөһим җиңүгә иреште. Аларның шушы арада Чүпрәле районы командасы белән соңгы уеннары калды, әлеге очрашу нәтиҗәсе нинди булуга карамастан, кайбычлылар чемпионатның Иделаръягы зонасыннан финал ярышларына чыгалар. Ул уен­­нарда да егетләргә уңыш­лар юлдаш булсын.

    Нравится
    Поделиться:
    Реклама
    Комментарии (0)
    Осталось символов: