Җилдәй җитезләр

6 гыйнварда Зур Урсак урта гомумбелем бирү мәктәбе базасында мәктәп укучылары командалары арасында чаңгы буенча эстафета ярышлары булды. Иң беренче бу­лып стартка егетләр командалары басты. Чаңгы трассасы биредә барлык та­ләпләргә дә җавап бирерлек - анда тигезлекләр дә, үргә менүләр дә, таудан төшүләр дә бар. Ярышларда райондагы сигез урта гомумбелем бирү мәк­тәпләренең алтысы катнашты. Егетләр арасында барган ярышта Зур Урсак командасы җиңү яулады. Федоровскоелылар икенче, чүтилеләр өченче урынга чыкты. Кызлар арасында бар­ган ярышта да мәйдан хуҗалары сынатмады. Икенче урынны Олы Кайбыч мәктәбе кызлары яулады. Өченче урынга Федоровское мәктәбе командасы чыкты.

Шул ук көнне район балалар һәм яш­үсмерләр спорт мәктәбе беренчелегенә 2001 елгы һәм аннан яшьрәк укучылар арасында чаңгы буенча катнаш эстафета ярышлары үтте. Укучылар ике чакрым арада көч сынашты. Зур Урсак мәктәбенең Рамил Нуриев кул астында шөгыльләнүче өченче командасы да пьедесталның иң югары баскычына күтәрелде. Икенче урынны Борындык төп мәктәбенең Хәмзә Юнысов җитәкчелегендәге командасы яулады. Өченче урын Иске Тәрбит урта мәктәбенең Юрий Зайцев җитәкчелегендәге командасына бирелде. Ярышларда призлы урыннар яулаган командаларның барысына да дипломнар, медальләр, ә җиңүче командаларга дипломнар һәм күчмә кубоклар тапшырылды. Алда яңа ярышлар, яңа стартлар тора, барлык командаларга да тигез чаңгы юлларынасыйп булсын.