Яшьлегемдәге Кар кызы

Мин сезгә "Кайбыч Кар кызы" бәйгесенә шул вакытта төшкән рәсемемне җибәрәм. Узган елларда, яшьрәк чакта төш­кән фоторәсемнәрегезне дә җи­бәрә аласыз дигәч, бу бәйгедә катнашырга булдым. Ул вакытта Кыш бабай ролен Илья Матвеев башкарган иде. Илья Матвеевич география фә­неннән укытты, хәзер гүр иясе булган инде, авыр туфрагы җиңел булсын. Без җигүле атта урам әй­ләнеп, Хуҗа Хәсән кешеләрен Яңа ел бәйрәме белән котлап йөргән идек. Мәктәптә дә Кар кызы бул­ган идем. Яшьлек еллары сагындырып искә төшә.