Борындыкта Бөек Җиңү юбилеена яңа һәйкәл өлгерттеләр

автор, 8 май 2015 - 13:48

519

Бөек Җиңүнең 70 еллык юбилеена багышланган тантаналы митинглар районыбыз авылларында 8 майда узды. Бу датага һәрбер авыл җирлеге тырышып әзерләнде: сугышта һәлак булганнар хөрмәтенә куелган истәлек такталары, памятниклар, обелисклар яңартылды. Борындык авылында да Бөек Җиңүнең җитмешенче язын өрь-яңадан төзелгән обелиск янында каршы алдылар. Башланырга әле шактый вакыт булса да, әбиләр...

Борындыкта Бөек Җиңү юбилеена яңа һәйкәл өлгерттеләр

Һәрбер авыл кешеләре кебек үк, борындыклылар да Бөек Җиңүгә үз өлешен керткән. Биредән фронтка 210 кеше китеп, шуларның 137се сугыш кырларында башын салган. Исән кайткан ветераннар да авылда берәү дә калмаган. Аларны бер минут тынлык белән искә алдылар. Борындыклыларны бәйрәм белән котларга район башкарма комитеты җитәкчесе Алексей Макаров килде.

--Җиңү безгә җиңел генә бирелмәде, ул бик күп югалтулар бәрабәренә яулап алынды. Туган илгә азатлык яулауга керткән фидакарь хезмәтегез, Ватаныбызга чиксез мәхәббәтегез өчен чиксез рәхмәт белдерәбез һәм алдыгызда баш иябез, - диде ул.

Тантаналы митинг тәмамлангач, әби-бабайлар клубта әзерләнгән өстәл янына җыелды.