Казанның Апанай мәдрәсәсендә мәктәп укучылары өчен ислам нигезләре буенча курслар узачак
Курсларда дин дәресләреннән тыш мәдәни чаралар, музейларга экскурсияләр, уеннар һәм мастер-класслар оештыру каралган.
Бу хакта Апанай мәчете каршында эшләүче «Иман» мәдәният-мәгърифәт үзәгенең матбугат хезмәте җитәкчесе Гөлнира Абдрахманова хәбәр итә.
«Балаларны иман нигезләре, ислам тарихы, әхлак дәресләре, пәйгамбәрләр тарихы белән таныштырабыз. Максатыбыз — аларга татар мохите тудыру, мәдәниятебез, телебез, гореф-гадәтләребез белән бәйле мастер-класслар, уеннар, чаралар уздыру, кызыклы шәхесләр белән таныштыру. Ял аралаш тәрбияви һәм интеллектуаль чаралар уздырыла», — диелә хәбәрдә.
Ир балалар өчен курслар 22 июньнән 4 июльгә, кызлар өчен 1 июньнән 13 июньгә кадәр дәвам итәчәк.
Чыганак: «Татар-информ»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев