Ураза бәйрәме мөбарәк булсын!

Иртән иртүк Олы Кайбыч мәчетендә дә халык бәйрәм намазына җыелды. Районыбыз имам-мөхтәсибе Дамир хәзрәт Гыйниятуллин мәчеткә Гает намазына килүчеләрне Ураза бәйрәме белән котлады. Район башлыгы Альберт Рәхмәтуллин исеменнән урынбасары Рәмис Хәялиев котлады, иң изге теләкләрен җиткерде. 

Бәйрәм намазы укыганнан соң, Дамир хәзрәт Татарстан мөфтие Камил хәзрәт Сәмигуллинның Ураза гаете белән котлавын җиткерде, вәгазь сөйләде. Барлык мөселман кардәшләребезнең тоткан уразаларының кабул булуын, алга таба да сәламәтлектә, муллыкта озын гомер кичерүебезне теләде.