Тирән кайгыбызны уртаклашып, ярдәм кулы сузучыларга ихлас рәхмәтебезне белдерәбез

Борындык авылында гомер иткән кадерле кешебез – тормыш иптәшем, балаларыбызның әтисе Ирек Кәрим улы Хуҗинны аяу сыз үлем арабыздан алып китте.
Зур югалту кичергән көннәрдә авыр кайгыбызны уртаклашкан, ярдәм кулы сузучыларның барысына да, яраткан кешебезне соңгы юлга озатырга ярдәм иткән мәгариф бүлеге, мәгариф хезмәткәрләре проф союзы оешмасына, Борындык мәктәбе, “Гөлбакча” балалар бакчасы коллективларына, район мәктәпләре директорлары һәм укытучыларына, «Идел буе урман хуҗалыгы» казна учреждениесе хезмәткәрләренә, барлык туганнарга, авылдашларга, күршеләргә, хезмәттәшләргә, иремнең сыйныфташларына, дусларга, гомумән, кайгыбызга битараф булмаган барлык игелекле кешеләргә зур рәхмәтебезне белдерәбез. Барыгызга да сәламәтлек, озын гомер, җан тынычлыгы телибез. Авыр көннәребездә безгә булышучыларның барысының да игелекләре гамәл китабына савап булып язылсын. Ходай сезне рәхмәтеннән ташламасын.

Тормыш иптәше Рания Хуҗина, Борындык авылы