3 июньдә унберенче класс укучылары математикадан бердәм дәүләт имтиханы тапшырды.
Федоровское урта мәктәбендәге имтихан тапшыру пунктында быел мәктәпне тәмамлаучы 103 укучы сынау узды. Бердәм дәүләт имтиханы барышын Казаннан килгән уполномоченный - архитектура-төзелеш университеты вәкиле, дүрт җәмәгатьчелек күзәтчесе күзәтте. Имтихан иртәнге сәгать унда башланды һәм 3 сәгать 55 минут дәвам итте. Укучыларга линейкадан файдаланырга рөхсәт ителде. Математикадан имтихан тапшыру өчен чыгарылышларга кимендә 24 балл җыярга кирәк.
Нет комментариев