Татарстанда узачак хезмәт ярминкәсендә бөтен Россиядән 9,5 меңләп вакансия тәкъдим ителә
Хәбәрләр

Татарстанда узачак хезмәт ярминкәсендә бөтен Россиядән 9,5 меңләп вакансия тәкъдим ителә

Бөтенроссия хезмәт ярминкәсенең федераль этабы 23 июньдә узачак. Татарстанда аның кысаларындагы чаралар өч шәһәрдә – Казан, Чаллы һәм Түбән Камада үткәреләчәк.

Казанда Бөтенроссия хезмәт ярминкәсе «Горки-Әмәт урманы» паркында (Җиңү проспекты, 69) оештырылачак. Тулырак мәгълүмат өчен телефон: 8 917 395 45 74.

Чаллыда ярминкәне «КАМАЗ» Мәдәният сарае кабул итәчәк (Тынычлык проспекты, 87/22). Белешмә өчен телефон: 8 917 270 08 94. 

Түбән Кама шәһәрендә ул «Ковер» Яшьләр инициативасы үзәгендә (Мәктәп бульвары, 7/2) узачак. Мәгълүмат өчен телефоннар: 8 917 884 25 55 һәм (8555) 41-69-23.

Ярминкәләргә керү бушлай. Алдан түбәндәге сылтама буенча заявка тутырырга кирәк: https://trudvsem. ru/job_fair#form. Шунда язып җибәргән электрон почтага чакыру киләчәк.

Татарстанда узачак ярминкәдә барлыгы 9,5 меңнән артык вакансия тәкъдим ителер дип көтелә.

 


Нет комментариев