Хөрмәтле дин кардәшләрем!

Равил Җәләлиев, «Заман» җәмгыяте директоры: 

Хөрмәтле дин кардәшләрем! Изге Рамазан аенда Аллаһның чиксез рәхмәте белән рухи һәм дөньяви тормышта күркәм юл күрсәтүче Коръән Кәрим иңдерелде, ул хакыйкатьне ялганнан, пакь җанлы адәмнәрне гөнаһлылардан, чын гыйлемне ялгыштан аерырга ярдәм итә. Ураза бәйрәмен уздыру традицияләре мөселманнарның тынычлыкка, шәфкать һәм гаделлеккә омтылуларын бик ачык чагылдыра. Мохтаҗларга ярдәм итү, вәгазь һәм дустанә мөнәсәбәт — болар барысы да гаетнең аерылгысыз хасиятләре. Сезгә һәм якыннарыгызга бәхет, сәламәтлек, бәрәкәт һәм муллык телим.