Кайбыч районы мәктәпләрендә интернет челтәрендә куркынычсызлык турында бердәм дәресләр үтте

Әлеге чара интернет челтәрендә укучыларның куркынычсызлыгын булдыру, аларның сәламәтлекләренә һәм үсешләренә зыян китерүче мәгълүматтан саклау, аралашу кагыйдәләренә өйрәтү максатыннан оештырылды. Дәресләр әңгәмә, лекция, сыйныф сәгате, викторина, анкета һәм уен формасында үтте. Укучылар интернет челтәреннән янаучы куркынычның төрләре һәм аңа каршы тору чаралары, интернет-бәйлелек булдырмау турында мәгълүмат алды.