Борындык мәктәбе укучылары – «Динамо»да

Республиканың иң көчле яшь бадминтончылары 25 июньнән 14 июльгә кадәр Казан шәһәрендәге "Динамо" спорт базасында укыту-тренировка уза. Алар арасында безнең район бадминтончылары да бар.

Татарстан Республикасының Бадминтон буенча федерациясе президенты Юрий Чаплыгин үзенең чакыру хатында Борындык мәктәбе укучыларының исемнәрен үзе язып җибәргән. Алар - Алмаз Шиһапов, Фирүзә Хуҗина, Рияз Гыймадиев, Диана Гобәйдуллина, Алсу Шиһапова, Адилә Хөснетдинова, Гүзәл Хәйруллина, Илүзә Хуҗина. Бу укучылар төрле югарылыкта үткәрелгән бадминтон ярышларында әледән-әле җиңү яулый.