Борындыклылар махсус хәрби операциядә һәлак булган авылдашлары белән хушлашты
Бүген Борындык авылында Украинада барган махсус хәрби операциядә батырларча һәлак булган Эдуард Йосыф улы Фәизовны соңгы юлга озаттылар.
Авыл уртасындагы һәйкәл янында үткән матәм митингында район башлыгы Альберт Рәхмәтуллин, ТР җир һәм мөлкәт министры Азат Кадыйров, Апас һәм Кайбыч районнары хәрби комиссары Наил Җантимеров, авыл җирлеге башлыгы Алмаз Гайнетдинов, авыл халкы катнашты.
Альберт Рәхмәтуллин, Азат Кадыйров батыр якташыбыз Эдуард Фәизовның әтисе, гаиләсе, туганнарының авыр кайгысын уртаклашты, аларга төрле яклап ярдәм итәчәкләрен белдерделәр.
Борындык авылына Эдуард Фәизов дүрт ел элек хатыны Марина белән кайтып төпләнгән. Ул агымдагы елның 8 июлендә контракт буенча махсус хәрби операциягә киткән, 22 июльдә хәбәрсез югалган. Эдуард Фәизов, һәлак булганнан соң, «Батырлык» ордены белән бүләкләнгән. Ордены әтисенә тапшырылды. Батырларча һәлак булган солдатны соңгы юлга озатырга Казан шәһәренең хәрби училищесыннан мактаулы каравыл да кайткан иде. Ул Борындак авылы зиратында җирләнде.
Следите за самым важным и интересным в Telegram-каналеТатмедиа
Нет комментариев